Тақырыбы: Көлік
Мақсаты: Балаларды көліктің әртүрлі түрлерімен таныстыру
Не істеу керек:
Балаңыздан сұраңыз:
– Көлік деген не, ол адамға не үшін керек?
– Қандай көлік түрлері бар?
– Сен немесе сенің жақындарың қандай көлік түрлерін қолданып көрдіңдер?
Балаға түсіндіріңіз: «Көлік» сөзі грек тілінен аударғанда «жылжу» деген мағынаны білдіреді. Көлік – алыс қашықтыққа жүруге арналған құрал.
Ертеде көлік болмаған кезде адамдар жаяу жүрген, ат мінген. Қазір көлік құралдары адамдарға ауыр жүктерді, азық-түліктерді, көкөністер мен жемістерді тасымалдауға көмектеседі. Сонымен қатар, көліктер адамдарға өрт, ауру, су тасқыны және басқа да табиғи апаттар кезінде көмек көрсету үшін қажет.
Автомобильдер мен пойыздар, кемелер мен ұшақтар не үшін керек?
Автомобильдер мен пойыздар, кемелер мен ұшақтар — құрлықта, суда, ауада, тіпті жер астымен жүруге арналған көлік түрлері!
Автомобильдер мен пойыздар, кемелер мен ұшақтар не үшін керек?
Автомобильдер мен пойыздар, кемелер мен ұшақтар – құрлықта, суда, ауада, тіпті жер астымен қозғалу үшін қажет!
Жердегі көлік, әуе көлігі, су көлігі туралы суреттерді бірге қарап шығыңыз.
Жердегі көлік жер бетімен қозғалады. Оларға автомобильдер, пойыздар, трамвайлар, автобустар, троллейбустар жатады.Әуе көлігі ауада, аспанда қозғалады. Оларға ұшақ, әуе шары, ғарыш кемесі, тікұшақ жатады.
Су көлігі су бетімен және су астымен, теңізде, мұхитта қозғалады. Оларға пароходтар, суасты қайықтар, катерлер, теплоходтар, яхталар, лайнерлер жатады.
Балаңызбен бірге әуе көлігі, жердегі көлік, су көлігі дегеніміз не екенін қорытындылаңыз.
Қорытынды:
Әуе көлігі – бұл ауада ұшатын көлік түрі. Мысалы: жолаушы ұшағы, тікұшақ, әуе шары, дирижабль және зымыран.
Жердегі көлік – бұл жермен қозғалатын көлік. Оларға автомобильдер, пойыздар, автобустар, трамвайлар, тракторлар және т.б. жатады.
Су көлігі – бұл су бетімен және су астымен қозғалатын көлік. Мысалы: пароходтар, суасты қайықтар, катерлер, теплоходтар, яхталар, әскери кемелер, өзен трамвайлары.
Бекіту:
- Балаға «Артық не?» деген дидактикалық ойынды ойнауды ұсыныңыз. Артық затты табу себебін бірге қорытындылаңыз.
- Артық – тікұшақ, себебі суретте жердегі көлік түрлері бейнеленген, ал тікұшақ – әуе көлігі.
- Артық – велосипед, өйткені бұл – жердегі көлік, ал суретте су көліктері көрсетілген.
- Артық – жеңіл көлік (машина), себебі бұл – жердегі көлік, ал суретте әуе көлігі бейнеленген.
